La denuncia penal de La Corriente Sindical de Izquierda ante la fiscalía en lo medios

La Corriente Sindical d’Izquierda (CSI) presentó güei ante la Fiscalía, na sede de los Xulgaos de Xixón, una denuncia en base a que «nun se respetó» la Llei Orgánica de Llibertá Sindical nes negociaciones sobre’l futuru de Naval Xixón per parte de la Conseyería d’Industria y Emplegu del Principáu, la empresa de Pequeños y Medianos Astilleros en Reconversión (Pymar), la direición de Naval Xixón y los sindicatos CC.OO y UXT, por «escluyir» de les mesmes a la CSI

 

 

 

 

Según esplicó’l responsable de CSI en Naval Xixón, Balbino Cano, en declaraciones a los medios de comunicación, la demanda se presenta pola «tutela» de los derechos sindicales. «En tol procesu de negociaciones del ERE, el comité d’empresa caltuvo que nun s’entregare tola documentación necesaria pa negociar l’espediente y poro nun dábemos por entamáu’l periodu de consultes, pero’l pasáu día 3 d’avientu se publica una propuesta negociada poles federaciones del metal de CC.OO y UXT xunto al Gobiernu del Principáu Pymar y la direición de Naval Xixón, ensin CSI», reseñó Cano.

 

 Documento gráfico para el fiscal de una de las reuniones donde fué excluida la CSI. De izquierda a derecha, los responsables de la MCA-UGT Arturo Granda, José Ignacio Gómez, Roberto Miguel Calvo y Eduardo Donaire; de la dirección de Naval Gijón, Antonio López, Diego Alonso, Pedro García; Carlos Fernández, secretario general de Pymar, y por CC.OO Maximino García, Ángel Ordoñez, Guillermo Díaz Balsera y Santiago Escosura

 

Poro, CSI considera que nun partició nesi procesu porque «taba cola posición del comité d’empresa». «Nuevamente se negoció a espaldes del comité y de CSI cuando había yá dos sentencies por discriminación sindical condenando a Pymar, a Naval Xixón, a CC.OO y UXT». Asina, entiende que pue haber un «delitu penal» por ser la tercer vez que «nun se cumple la llexislación cuando hai dos sentencies qu’obliguen a llamar a tolos representantes sindicales pa negociar el futuru de la empresa».

 

Nesti sen, el sindicatu decidió dexar la situación en manes de la Fiscalía pa qu’actúe «en casu de qu’hubiere dalgún delitu», y que «se solucione’l problema». «Nun pue ser que nin los propios sinndicatos respeten la Llei Orgánica de Llibertá Sindical», aseguró. La CSI basa la so demanda en que l’artículu 15 de la citada Llei diz que «tolos miembros de comités d’empresa y sindicatos tienen derechu a tar presentes en toles negociaciones qu’afeuten a los trabayadores sobre los que tienen representación».

 

Nesti sen, Cano calcó en que la CSI tien el mesmu númberu de representantes nel comité d’empresa que les otres organizaciones sindicales, CC.OO y UXT, con tres caúna. «Nun se mos pue escluyir de nentún tipu de negociación», remarcó como reproche a Pymar, Naval Xixón y la Direición Xeneral d’Emplegu del Principáu.

 

Amás, calificó de «impresentable» la posición de los otros sindicatos, que tachó d’alloñada del «respetu a los derechos democráticos y les llibertaes sindicales». «Si se supón que los sindicatos nun van respetar la propia Llei que da cobertoria al derechu sindical, entós apaga y vámonos», dixo.

 

La previsión de la CSI  ye qu’a lo llargo del mes de xineru dende Fiscalía s’ofreza comunicación sobre l’asuntu. Sicasí, tamién anunció qu’esti sindicatu prepara una denuncia pa primeros de xineru, per vía contencioso-alministrativa, col propósitu de «paralizar» los acuerdos hasta que se negocien cola Corriente Sindical d’Izquierda. Nesti sen, Balbino Cano dixo que lo que pide esti sindicatu ye que s’abra un «periodu de negociación sobre’l futuru de Naval Xixón».

 

«Independientemente de lo que puea ocurrir con Naval Xixón, qu’entendemos ye una situación complexa, paez que tamién pue acabar col astilleru de Juliana», afirmó. Amás, Cano reprochó l’actitú del Principáu diciendo que «nun paez llóxico ante una situación de crisis como l’actual, na que paez que’l 2009 va ser el peor añu pa la industria del metal n’Asturies, que dende’l Gobiernu autonómicu nun se preocupen de que pieslle Naval Xixón nin de que puea pesllar a mui cortu plazu Juliana, cuando na industria naval por cada trabayador fixu hai 4,5 emplegaos de la industria auxiliar».

 

Europa Press. CSI denuncia a Fiscalía’l «incumplimientu» de la Llei de Llibertá nes negociaciones sobre Naval Xixón

 

Tele Asturias. CSI denuncia a PYMAR, Industria, UGT y CCOO por discriminación sindical en Naval Gijón

 

LNE. CSI lleva al fiscal a Naval Gijón, Pymar, Principado y a los sindicatos mayoritarios

 

 

 

Dejar un comentario

Tu dirección de correo electrónico no será publicada. Los campos obligatorios están marcados con *