Asturies una Vieya Nación Europea

 

Antes que desurdieren ñaciones y estaos que güei mos abulten como de siempres; muncho antes qu’España fuere una realidá política unitaria; antes qu’asomaren na historia comunidaes vecines que güei quieren acutar pa sigo’l títulu de “nacionalidá histórica”, Asturies yá fuera una nación ente les naciones, con estáu propiu independiente, conocida y respetada n’Europa: el Reinu d’Asturies o Reinu de los asturianos (“Regnum Asturorum”), aniciáu en Cangues d’Onís hacia l’añu 722 de la nuesa era, foi’l primeru (y, per munchu tiempu, el más importante) de los reinos cristianos de la península ibérica, cuando la dominación árabe.

  

El Reinu d’Asturies -que llegó abarcar territorios bien grandes, per Cantabria, Galicia, Castiella y Portugal- Caltenía, daquella, rellaciones diplomátiques col reinu francu de Carlomagno, l’amu d’Europa naquel momentu; y comerciaba con Inglaterra y Francia. Asturies yera entós un estáu y una nación conocida y respetada tanto n’Europa comu nel mundu árabe.

  

L’Estáu asturianu perdió puxu y protagonismu tres abdicar Alfonso III y a partir el Reinu ente los sos fíos, García, Ordoño y Fruela. Les desavenencies ente ellos, el treslláu de la corte d’Uviéu a Lleón y el postreru inxerimientu del Reinu Astur-Lleonés na corona de Castiella, fueron quitándo-y a Asturies el protagonismu políticu que tuvo enantes; pero la nación asturiana siguió tando presente na concencia de les otres naciones contemporánies baxomedievales.

  

Asina, el Poema d’Almería, del añu 1147, fala d’Asturies como nación cuando, refiéndose a ella, diz asina:

  

“Esta nación deja a lomos de su caballo las hichadas alas y se une a otras hermanas con las alas extendidas”.

  

Esta conciencia viva de nación, privada d’independencia y estáu propiu polos intereses y trabayos de l’alta política medieval, tuvo que xugar un papel importante en dellos acontecimientos históricos d’esa dómina; acontecimientos que podemos interpretar bien guapamente como intentos de recuperar la independencia d’Asturies frente al poder foriatu. Una independencia y un estáu propiu (el Reinu Asturianu) que nun podíen tar escaecíos -por recientes- na memoria colectiva asturiana d’aquelles dómines.

  

Asina, por exemplu, los sucesivos llevantamientos del conde Gonzalo Peláez escontra’l rei Alfonso VII, na primera mitá del sieglu XII, que fueron reprimíos pola fuerza de les armes de los exércitos reales, o l’episodiu del que foi protagonista doña Urraca “l’asturiana”, fía bastarda del mesmu rei Alfonso VII, y que, hacia’l 1264, promovió una rebelión de calter secesionista escontra’l rei Fernando II, afitando -otra vuelta- una auténtica corte real n’Uviéu.

  

Estos intentos de recuperar la independencia política d’Asturies y otros fechos asemeyaos protagonizaos pol conde D. Alfonso de Noreña, qu’evidenciaben el calter insumisu y llevantiscu de los asturianos, foi lo qu’emburrió a los reis castellanos pa que tomaren la decisión d’afitar el so dominiu n’Asturies d’una forma más directa y segura. Y, asina, “pelos yerros que el conde d.Alfonso nos fizo”, el rei Juan I instituyó nel añu de 1388 el “Principáu d’Asturies”; quedando d’esta forma la entera nación asturiana sometía a la corona castellana embaxu’l dominiu directu de los príncipes herederos; y non de los señores asturianos, bien propensos, a dexase llevar pola alcordanza de qu’Asturies fuera un reinu independiente enantes mesmo que la Castiella qu’agora los avasallaba.

  

El principáu d’Asturies y la Xunta Xeneral

 

El dominiu directu d’Asturies pola corona castellana fízose efectivu a partir de 1444; y truxo consigo, aparte les puramente polítiques, novedaes perimportantes: a partir d’entós, la llingua oficial del país (la de los documetos de l’alministración pública, testamentos de compraventa, etc) que , hasta entós, veníen siendo fechos n’asturianu, pasaron a redactase en castellanu polos nuevos alministradores y escribanos. Al empar con esos documentos anició’l llargu procesu de falsificación de los nomes de los pueblos (castellanización de la toponimia asturiana) y de perda del prestixu social del nuestru idioma.

  

Pero esi dominiu nun se fizo ensin atopar oposición: la conciencia nacional de los asturianos y la so tradición d’autogobiernu forzó a los reis castellanos pa que reconocieren la llexitimidá d’una institución que diera vez y amparu a los asturianos énte’l poder real. Ñació, asina, la Xunta Xeneral del Principáu d’Asturies; una institución de verdaderu autogobiernu, con poder bastante pa oponese a les ordenances reales cuando éstes contraveníen o amenorgaben los drechos, fueros o intereses de los asturianos.

  

Paez que los oríxenes de la Xunta Xeneral vienen de más atrás, pero los primeros conceyos formales de la mesma ficiéronse hacia’l 1444, coincidiendo col efectivu señoríu sobre Asturies del Príncipe herederu, el futuru Enrique IV; y esa venerable institución d’autogobiernu d’Asturies siguió viva hasta que, nuna nueva ofensiva centralista, foi desaniciada, tres llarga agonía, nel añu 1833, fecha del últimu de los sos conceyos.

  

Na so llarga historia de cuatro sieglos, la Xunta Xeneral defendió los intereses de la nación asturiana y exerció l’autogobiernu más tiempu qu’otros territorios reconocíos como “nacionalidaes históriques”; territorios que como Aragón o Cataluña, perdieron les sos instituciones d’autogobiernu y los sos fueros muncho enantes qu’Asturies.

  

Y non solo eso: la Xunta Xeneral del Principáu foi protagonista d’acontecimientos históricos d’especial importancia y significáu. Ansina, el 25 de mayu de 1808, aconceyaos los sos miembros na Sala Capitular de la Catedral d’Uviéu, la Xunta Xeneral, afitándose soberana, declaró la guerra al invasor francés, entamó un exércitu propiu y unvió embaxadores a Londres pa pidir ayuda a los ingleses. D’esta manera, Asturies-inda que fuere en circustancies especiales y de forma transitoria-tornó actuar como una auténtica nación independiente; aquella vieya nación europea que comerciaba con Inglaterra y Francia y caltenía embaxadores na corte del rei Carolo.

  

Centralismu y Autonomismu: l’Asturianu

 

La llamada “Guerra de la Independencia” escontra la dominación francesa y los acontecimientos ideolóxicos y políticos d’esa dómina abren un capítulu nuevu na historia del nuestru país: la esistencia d’un enemigu esternu-los franceses- provoca un efectu indudable de solidaridá y xunión de los diversos pueblos españoles. Les idees del la Revolución Francesa (conceptos políticos comu l’estáu-nación y l’estáu centralizáu, con llexislación y alministración úniques) ábrense camín n’España y, de resultes d’ello, escomencipia una nueva dómina d’ofensiva centralista; una dómina na que, col porgüeyu la unidá, sacrifícase cualaquiera restu d’autonomía de los territorios históricos del reinu.

 

 

  

Per aciu d’esti procesu, la Xunta Xeneral del Principáu va quedando en dique secu hasta morrer dafechu hacia’l 1833.

 

 

 

 Pero la nueva ofensiva centralista y la perda-aparéntemente definitiva-de tou restu d’autogobiernu p’Asturies fai desurdir, d’entós p’acá, sucesivos movimientos políticos que tienen en común una idea básica: Asturies ye una entidá humana, histórica política y cultural indiscutible y como tala que ye, tien de tener arrayáu el drechu a un determináu grau d’autogobiernu que garantice la continuidá histórica d’esa entidá nacional.   

 

 

Fonte: Nueva Asturies

    87 Comments

    1. 29 julio 2021 - 08:42

      order azithromycin 250mg – infomax buy azithromycin online

      Reply
    2. 18 septiembre 2021 - 17:30

      ivermectin अनलाइन किन्नुहोस् http://ivermectin1.com/ ivermectin for humans prescription

      Reply

    Leave a Reply

    Tu dirección de correo electrónico no será publicada. Los campos obligatorios están marcados con *